لە شارەدێی پیرەمەگروون لە سلێمانی منداڵێك بە ڕووداوی هاتووچۆ گیانی لەدەستدا.
ئێوارەی ئەمڕۆ یەك شەممە، بەهۆی ڕووداوێکی هاتوچۆوە لە گەڕەکی ئاسۆس لە سنووری پیرەمەگروون منداڵێکی تەمەن 6 ساڵ گیانی لەدەستدا.
بەپێی زانیارییەكان، تراکتۆرێک لە منداڵێکی تەمەن 6 ساڵی داوە و بە سەختی برینداری کردووە و دوای گەیاندنی بە نەخۆشخانە گیانی لەدەستداوە.
لە ئێستادا تەرمی منداڵەكە ڕەوانەی پزیشکی دادی سلێمانی کراوە و دواتر رادەستی کەسوکارەکەی دەکرێتەوە.
