نرخی کیلۆیەک مریشک بەراورد بە دوو هەفتەی رابردوو نرخەکەی دابەزینی زۆری بەخۆیەوە بینیوە و زیاتر لە هەزار دینار هەرزان بووە.
ئەمڕۆ یەك شەممە، نرخی یەک کیلۆ مریشک بۆ ۲ هەزار و 800 دینار دابەزی، ئەم نرخە لە کاتێکدایە، لە ماوەی ڕابردوو نرخ یەک کیلۆ مریشک چووە ٤ هەزار دینار.
محەمەدی مریشك فرۆش لە سلێمانی بۆ (خەڵك) ڕایگەیاند، ماوەی دوو ڕۆژە نرخی مریشك ڕووی لە دابەزین كردووە و ئەمڕۆش زیاتر دابەزی و نرخی یەك كیلۆ مریشكی زیندوو بە 2 هەزار و 800 دینارە.
ڕاشیگەیاند، هۆكاری دابەزینی نرخی مریشك دەگەڕێتەوە بۆ زۆربوونی بەرهەمی كێڵگە پەلەوەرییەكان و خستنەبازاڕی مریشك و هەروەها بەهۆی بێ مووچەییەوە هاووڵاتیان خواستیان زۆر لەسەر كڕینی نییە.
