وەزیری خوێندنی بالای حكومەتی هەرێم ڕایدەگەیەنێت، لەگەڵ حكومەتی عێراق هەوڵی چارەسەركردنی كێشەی مووچە دەدەن و دەشڵێت: “بەم نزیكانە دابەش دەكرێت”.
ئارام محه‌مه‌د، وه‌زیری خوێندنی باڵا و توێژینه‌وه‌ی زانستی حکومەتی هەرێم بۆ رۆژنامه‌نوسان له شاری هه‌ڵه‌بجه ڕایگه‌یاند، ئه‌نجوومه‌نی وه‌زیران و وه‌زاره‌تی دارایی هەرێم له‌گه‌ڵ حكومه‌تی عێراقدا خه‌ریكی چاره‌سه‌ركردنی كێشه‌ی مووچه‌ن و بڕیاره له ئاینده‌یه‌كی نزیكدا دابه‌شبكرێت.
راشیگه‌یاند، “به‌داخێكی گرانه‌وه خه‌ڵك بێمووچه‌یه و وڵاته‌كه‌مان كه‌وتوه‌ته قه‌یرانی جۆراوجۆره‌وه له هه‌مویان كاریگه‌رتر مووچه‌ی مووچه‌خۆرانی هه‌رێمی كوردستان”.
ئەمە لەكاتێكدایە، كە لە هەفتەی ڕابردووەوە وەزارەتی دارایی عێراق زۆرینەی مووچەی فەرمانبەران و دامەزراوەكانی هەرێمی ناردووە، كە بڕەكەی زیاتر لە 560 ملیار دینارە، بەڵام ئەنجوومەنی وەزیران بڕیاری دابەشكردنی مووچە نادات و داوای پارەی زیاتر دەكات و دەڵێت: “پارەی هێزە سەربازییەكان ڕەوانە نەكراوە” هاوكات وەزارەتی دارایی عێراق جەختدەكاتەوە، كە بەبێ ناردنی لیست پارە نانێرن.
