ئێوارەی ئەمڕۆ نرخی هەر سێ جۆرەکەی بەنزین جارێکی دیکە دادەبەزێت و ٢٥ دینار لە نرخەکەی کەمدەبێتەوە.
بەھمەن قادر وتەبێژی بەنزینخانەکانی سلێمانی بە (خەڵک)ی ڕاگەیاند، ئێوارەی ئەمڕۆ ھەر سێ جۆرەکەی بەنزین ٢٥ دینار لە نرخەکەیان دادەبەزێت، کە ھۆکارەکەی بۆ زۆری ڕێژەی بەنزین و کەمی خواست لەسەر بەنزین دەگەڕێتەوە لە سلێمانی.
ئاماژەی بەوەشکرد، بەنزینی نۆرماڵ لە ٨٥٠ دینارەوە دەبێتە ٨٢٥ دینار و موحەسەنیش لە ١٠٧٥ دینارەوە دەبێتە ١٠٥٠ دینار، بەنزینی سۆپەریش لە ١٢٢٥ دینارەوە دەبێتە ١٢٠٠ دینار.
