هەڵوێستی حكومەتی هەرێم بەرامبەر دادگای فیدڕاڵی ڕاگەیەنرا



وتەبێژی حكومەتی هەرێمی كوردستان، دادگای باڵای فیدڕاڵی بە “دادگای سەورەی بەعس” وەسف دەكات و ڕایدەگەیەنێت، دادگایەكی نادەستوورییە.

پێشەوا هەورامانی، وتەبێژی حكومەتی هەرێم لە كۆنفڕانسێكی ڕۆژنامەوانیدا ڕایگەیاند، دادگای فیدڕاڵیی عێراق، دادگای سەورەی سەردەمی پێشوە و وتی: لە ماوەی دوو ساڵدا هەشت بڕیاری دژی هەرێمی کوردستان دەرکردووە.

وتیشی، “لە سایەی دادگای فیدڕاڵیدا هیچ بەهایەک بۆ دەستوور نەماوەتەوە، چونکە لە بنەڕەتدا دادگاکە نایاسایی و نادەستورییە”.

ئاماژەی بەوەشكرد، “ئێستا دادگای فیدڕاڵی وای لێهاتووە، كە خەریكە حوكمی هەموو عێراق دەكات و دەبێت لەلایەن لایەنە سیاسییەكانی عێراقەوە سنووری بۆ دابنرێت” و سەبارەت هەڵوێستی هەرێم بەرامبەر دادگاكە ئەوەیە، كە “ئێستا ئەو كاتەیە، كە دەبێت سنوور بۆ دادگاكە دابنرێت و ئێستا ئەو کاتەیە هەرێمی کوردستان ئارامی لێبڕاوە”.

جەختیشی كردەوە، دەستپێنەکردنەوەی هەناردەی نەوتی هەرێمی کوردستان تەواو سیاسییە و هیچ پەیوەندییەکی بە لایەنی تەکنیکییەوە نییە

سودانی لەگەڵ فراكسیۆنی پارتی كۆبووەوە
پێشت سودانی لەگەڵ فراكسیۆنی پارتی كۆبووەوە
ڕێكارەكانی هەرزان كردنی نرخی گۆشت ڕاگەیەنرا
دواتر ڕێكارەكانی هەرزان كردنی نرخی گۆشت ڕاگەیەنرا
پەیوەندیدار