ئاگر لە دوکانێکی جلوبەرگ لە هەولێر کەوتەوە و بەشێکی زۆری سووتا، خاوەنەکەشی زیانەکان بە دەیان هەزار دۆالر مەزەندە دەکات.
بەرەبەیانی ئەمڕۆ چوارشەممە، لەسەر دووسایدی بنەسڵاوە ئاگر لە دوکانێکی جلوبەرگ کەوتەوە و بە هۆیەوە زۆربەی قوماش و جلوبەرگەکانی ناوی سووتان.
خاوەنی دوکانەکە ڕایگەیاند بە هۆی نزیکبوونەوە لە وەرزی بەهارەوە قوماشێکی زۆریان هێناوە و لانیکەم 40 هەزار دۆلار زیانی بەرکەوتووە.
هەر لەم مانگەدا چەند ڕووداوێکی دیکەی ئاگرکەوتنەوە لە بازاڕی لەنگە و ناوچەی پیشەسازی هەولێر کەوتنەوە و زیانی زۆری ماددیان لێکەوتەوە.
