لە ناوچەیەكی سنووری پێنجوێن لە پارێزگای سلێمانی، مین بە دوو گەنجدا تەقییەوە و بەهۆیەوە كەسێكیان گیانی لەدەستداوە و ئەوی دیکەیان بریندار بووە.
دوانیوەڕۆی ئەمڕۆ دوو شەممە 11ی ئادار، لە شارۆچكەی پێنجوێن و لە ناوچەی ئاسنەکوڵێن، مین بە دوو گەنجدا تەقیوەتەوە، کە خەڵکی پێنجوێن بوون، بەهۆیەوە یەکێكیان گیانی لەدەستداوە و ئەوی دیکەشیان بە سەختی بریندار بووە.
بەپێی زانیارییەكان، ئەو دوو گەنجە تەمەنیان لەنێوان ٢٠ بۆ ٣٠ ساڵدا بووە و لە ئێستاشدا بریندارەکە ڕەوانەی نەخۆشخانەکانی سلێمانی کراوە.
ئەمە لەکاتێکدایە، دوێنێ لە بارەگایەکی پاسەوانی سنوور لە کانی قڕژاڵەی هەولێر، مین بە چەند پاسەوانێکدا تەقییەوە و بەهۆیەوە سیانیان گیانیان لەدەستدا و یەکێکی دیکە بریندار بوو.
