وەزارەتی بازرگانی عێراق لەگەڵ نزیك بوونەوەی مانگی ڕەمەزانی پیرۆز بۆ هەرزان كردنی نرخی خۆراك و كێبڕكێی بازاڕ هەفتە بازاڕەكان “اسواق مركزی” لە بەشێكی ناوچەكانی بەغدا و پارێزگاكان دەكاتەوە.
بەپێی ڕاگەیەنراوێكی وەزارەتی بازرگانی عێراق، لما موسەوی، بەڕێوەبەری گشتی كۆمپانیای بازرگانی خۆراك سەرپەرشتی كردنەوەی هەفتە بازاڕەكان دەكات لە بارەگای كۆمپانیا و پێشانگای بەغدادی نێودەوڵەتی (هۆڵی ژمارە 5) و گۆڕەپانی موزەفەر.
ڕاشیگەیاندووە، بەبۆنەی نزیك بوونەوە لە مانگی ڕەمەزانی پیرۆز لە هەفتە بازاڕەكان خۆراك و پێداویستی هاووڵاتیان بە نرخی هەرزانتر لە بازاڕ دەخاتە بەردەست هاووڵاتیان.
لما موسەوی ڕایگەیاندووە، ئەو هەفتە بازاڕانە بۆ پاڵپشتی هاووڵاتیانە لە چینی داهات سنووردار و بۆ پارێزگاری نرخی خۆراكە سەرەكییەكان لە بازاڕەكانی ناوخۆ.
جەختیشی كردۆتەوە، لەسەر ڕاسپاردەی سەرۆك وەزیران، سەرجەم خۆراكەكان دابین دەكرێن بۆ هاووڵاتیان بەبۆنەی هاتنەوەی مانگی ڕەمەزانی پیرۆزەوە.
ڕوونیشی كردۆتەوە، لە ناوچەكانی دیكەی كەرخ و روسافە و بەشێكی دیكەی پارێزگاكان ئەو هەفتە بازاڕانە دەكرێنەوە.
