وەزارەتی دارایی عێراق بە بۆنەی هاتنی مانگی ڕەمەزانەوە، وەرگرتنەوەی پێشینە و قەرزەکانی لە بانکەکان و بیمەی کۆمپانیاکانی دڵنیایی ڕادەگرێت.
ئەمڕۆ چوارشەممە، وەزارەتی دارایی عێراق ڕایگەیاند، لەسەر ڕێنمایی محەمەد شیاع سودانی، سەرۆک وەزیران و تەیف سامی وەزیری دارایی و بە بۆنەی نزیکبوونەوەی مانگی ڕەمەزانەوە، بڕیار درا وەرگرتنەوەی قەرز و پێشینەکان لە فەرمانبەرانی هەردوو کەرتی مەدەنی و سەبازی و خانەنشینان رابگیرێت.
ڕوونیسیکردەوە، بڕیارەکە جگە لە بانکە حکومییەکان، لێبڕینی بیمەی کۆمپانیاکانی دڵنیاییش دەگرێتەوە و وەرگرتنەوەی قەرز و پێشینە و بیمەکانیش لە دوای جەژنی ڕەمەزانەوە دەستپێدەکاتەوە.
وەزارەتی دارایی ڕاشیگەیاند، ئامانجی دەستپێشخەرییەکە کەمکردنەوەی بارگرانییە لەسەر شانی سوودمەندانی قەرز و بیمەکان.
