کەشناسێکی عێراقی پێشبینییەکانی کەشوهەوای بۆ ڕۆژانی ئایندە ڕایگەیاند، خۆڵبارینێکی چڕ شارەکانی عێراق دەگرێتەوە.
واسق سەلامی، کەشناسی عێراقی ئاماژەی بەوەشکرد، پێشبینی دەکرێت یەکشەممەی داهاتوو لە باکووری ڕۆژئاوای عێراق پلەکانی گەرما بەرزببنەوە و شەپۆلێکی چڕی خۆڵ و تۆز دروست ببێت.
ئەوەشی خستەڕوو، پێشبینی دەکرێت جیاوازی پلەکانی گەرما و شەپۆلی خۆڵبارین کاریگەری لەسەر شارەکانی ناوەڕاستی فورات هەبێت.
هاوکات ئەمڕۆ دەستەی کەشناسی عێراق ڕایگەیاند، بۆ ڕۆژانی داهاتوو پلەکانی گەرما بەرزدەبنەوە و شەپۆلێکی تۆز و خۆڵ ناوچەکانی عێراق دەگرێتەوە.
