لە نزیك سەنتەرێكی كوردی رۆشنبیری كوردی لە پاریس لە ئەنجامی تەقەكردن سێ كەس گیان لە دەست دا و چوار كەسیش برینداربوون.
ئاژانسی هەواڵی فرانس پرێس ئەمڕۆ هەینی 23ی كانوونی یەكەم بڵاویكردەوە، لە بازنەی دەیەمی پاریس لە ئاكامی رووداوێكی تەقەكردن سێ كەس كوژران و چواری دیكە برینداربوون و برینی دووان لە بریندارەكان سەختە و ڕٍەوانەی نەخۆشخانە كران.
بە پێی زانیارییەكان، ئەو كوردانەی گیانیان لە دەست داوە خەڵكی باكوری كوردستان و چالاكی مەدەنیین و دۆخی تەندروستی بریندارەكانیش جێگیر نییە، دۆسیەی لێكۆڵینەوە بۆ ئەو تاوانە كراوەتەوە و لێكۆڵینەوە دەستی پێ كردووە.
هەر بە پێی زانیارییەكان ، ئەو كەسەی دەستگیركراوە تەمەنی ٦٩ ساڵە، بەڵام ناسنامەكەی ئاشكرا نەكراوە.
