![](https://xelk.org/wp-content/uploads/2024/03/awincity2.png)
بەم دواییە چەند وڵاتێکی گەورەی جیهانی ڕووبەرووی کێشەیەکی گەورە بووینەوە ئەویش بە دەست نەکەوتنی دژە بەکتریای ئەمۆکسیسیلینە.
د. ئەحمەد وەعد نەجات، پزیشكی دەرمانساز ڕایگەیاندووە، لە وڵاتی بەڕیتانیا بەم دواییە بەکتریایەک تەشەنەی کردووە، کە نوێ نیە، بەڵام ڕوو لە زیادبوونە، چونکە خەڵک چارەسەریان بە دەست ناکەوێت و بەکتریاکە لەناو نابرێت، كە بەکتریای (گروپی سترێپ ئەی)ی پێ دەوترێت.
ڕاشیگەیاندووە، چارەسەرەکەی زۆر ئاسانە بە دەرمانی ئەمۆکسیسیلین یان پەنسیلینەکان دەکوژرێن، بەڵام ئەو دەرمانە ئەوەندە کەمی کردووە دەست ناکەوێت.
ئاشكراشی كردووە، لە بەریتانیا بەم دواییە نزیکەی ۱۹ منداڵ بەهۆی ئەم بەکتریایەوە مردن و چارە نەکرابوون لەبەر نەبوونی ئەمۆکسیسیلین و حاڵەتەکانیش ڕوو لە زیادبوونە، كە تەنها لەو وڵاتە ٦٠٠٠ حاڵەتی تێپەڕاندووە.
بە وتەی ئەو پزیشكە، زۆربەی کۆگان و دەرمانخانەکان نەمانی ئەم دەرمانەیان ڕاگەیاندووە و چەند وڵاتێکی دیاری تریش وەك (ئەڵمانیا و ئیسپانیا و زۆربەی وڵاتەکانی ئەووپا) نەمانی ئەو دەرمانەیان ڕاگەیاندووە.
د. ئەحمەد دەڵێت: “نوکتە سەیرەکە لێرەیە، كە لە کوردستان ئەم دەرمانە لە موقەبیلات زۆرتر سەرف دەکرێت و بگرە خەڵکی وا هەیە ئەمۆکسیسیلین بۆ دڵخۆشی دەخوات و زۆر سەرنجڕاکێشە لە وڵاتان سادەترین ئەنتیبایۆتیک کێشەی بۆ دروست دەبێت و زەحمەت بەدەست دەکەوێت لای ئێمەش بەهێزترین و دەگمەنترین ئەنتیبایۆتیک جمەی دێ لە بەکارهێنان و فرۆشتن”.