کەشناسی ڕایگەیاند، خێرایی ڕەشەبا لە هەندێک ناوچەی کوردستان دەگاتە سەروو 40 کیلۆمەتر لە کاتژمێرێکدا و لە ناوچەی حاجی ئۆمەرانیش پلەی گەرما 9 پلە لە ژێر سفرەوەیە.
بەشی پێشبینی لە وەزارەتی گواستنەوە و گەیاندنی هەرێمی کوردستان ڕایگەیاند، ئەمڕۆ دووشەممە، ئاسمان بە گشتی ساماڵ و پەڵە هەور دەبێت لەگەڵ بوونی ڕەشەبا تاکو ئێوارە، بە تایبەتیش لە ناوچەکانی پارێزگای سلێمانی وهەڵەبجە و ئیدارەی گەرمیان.
ڕوونیشیکردەوە کە خێراى با لە نێوان 10-20کیلۆمەتر دەبێت لە کاتژمێرێکدا، بەڵام لە ناوچەکانی ڕەشەبا لەنێوان 20-40 کیلۆمەتر دەبێت و هەندێک کاتیش دەگاتە سەروو 40 کیلۆمەتر.
ئەوەشی خستەڕوو کە پلەی گەرما 4-6 پلە دادەبەزێت و لە ناوچەی حاجی ئۆمەرانیش نزمترین پلەی گەرما تۆمارکراوە کە 9ی ژیر سفر بووە و بەرزترینیشی 4ی ژێر سفر.
کەشناسی سەبارەت بە سبەینێ سێشەممەش ڕایگەیاند، ئاسمان نیمچە هەور دەبێت بۆ هەوری تە واو دەگۆڕێت بەتایبەتی لەناوچە شاخاوییەکاندا و خێرایی با لە ن و خێرایی با لە نێوان 10-20 کیلۆمەتر دەبێت لە کاتژمیرێکدا و پلەی گەرماش 1-2 پلە بەرزدەبێتەوە.
بەرزترین پلەکانی گەرمای پێشبینیکراو بە پلەی سیلیزی:
هەولێر : 14
سلێمانی :10
دهۆک : 13
زاخۆ : 14
هەڵەبجە :11
کەرکوک :17
سۆران :9
حاجی ئۆمەران :3-
گەرمیان :15
