هێزەکانی پاسەوانی کەناراوەکانی تورکیا 92 کۆچبەری نایاساییان لە پارێزگای ئیزمیری ڕۆژئاوای وڵاتەکە دەستگیرکرد و 69ی دیکەش ڕزگارکران.
ئەمڕۆ دووشەممە، فەرماندەیی پاسەوانی کەنراوەکانی تورکیا بڵاویکردەوە لە کەناراوەکانی پارێزگای ئیزمیردا 92 کۆچبەری نایاسایی دەستگیرکران کە ژن و منداڵیشیان لە نێودایە.
ڕوونیشیکردەوە کە 69 کۆچبەری دیکەشیان ڕزگار کرد کە هێزەکانی پاسەوانی کەناراوەکانی یۆنان ناچاریان کردبوون بگەڕێنەوە سنووری ئاوی تورکیا.
فەرماندەییەکە ئەوەشی خستەڕوو کە کەسێکیش بە تۆمەتی قاچاخچێتی دەستگیرکراوە.
