نرخی دۆلار تا دێت ڕوو لە بەرزبوونەوە دەكات

لەگەڵ داخستنی بازاڕ و بۆرسە سەرەكییەكان لە بەغدا و هەولێر، نرخی دۆلار تادێت لەبەرامبەر دیناری عیراقی ڕوو لە بەرزبوونەوە دەكات

سەرلەئێوارەی ئەمڕۆ پێنج شەممە، لە هەردوو بۆرسەی كیفاح و حارسیە لە بەغدا، نرخی 100 دۆلار گەیشتە 152900 دینار، لەكاتێكدا سەرلەبەیانی ئەمڕۆ نرخی 100 دۆلار بە 151750 دینار بوو.

وێڕای بەرزبوونەوەی نرخی نەوت و زیادبوونی یەدەگی فیدراڵی، نرخی دۆلار لە بازاڕەكانی ناوخۆدا تادێت ڕوو لە بەرزبوونەوە دەكات، بەجۆرێك نرخی 100 دۆلار گەیشتە 153500 دینار و نرخی كڕینەوەشی گەیشتە 152500 دینار.

بەپێی زانیارییەكان، لە هەولێر لەگەڵ داخستنی بۆرسەدا، نرخی 100 دۆلار 152800 دیناری تۆماركرد، نرخی كڕینەوەش 152700 دینار بوو.