شارەوانی سلێمانی هەڵمەتی چاك كردنی چاڵ و داچوونی شەقامەكان ڕادەگەیەنێت و دەشڵێت: ” بە شێوەیەکی کاتی بەقیری سارد چارەسەر دەكرێن”.
سەرۆكایەتی شارەوانی سلێمانی لە ڕاگەیەنراوێكدا ئاماژەی بەوەكردووە، لە ئاکامی باران بارینی چەند ڕۆژی ڕابردوودا بەشێك لە شەقامەکان چاڵ و داچوونی تیدا دروستبوو بە تایبەت لە شەقامی بازنەیی مەلیك مەحمود و شەقامی هەواری شار بە ئاڕاستەی پردی کۆبانێ.
ڕاشیگەیاندووە، بۆ ئەو مەبەستە تیمەکانمان لە بەشی ئامێرەکان هەستان بە چاککردن و پرکردنەوەی ئەو چاڵ و داچوونانە بە شێوەیەکی کاتی بەقیری سارد تا ئەو کاتەی ڕەوشی کەش و هەوا گونجاو دەبێت و چارەسەری بنەڕەتییان بۆ ئەنجام دەدرێت.
