جێگری سەرۆك وەزیرانی هەرێمی كوردستان ڕایدەگەیەنێت، سلێمانی ساڵی ٢٠٢٣دا لە ژمارەی پڕۆژەدا پێشەنگ بووه و دەشڵێت: ” ئیتر ڕێگا نادەین سەرانە لە بازرگاکان بسەندرێت”.
قوباد تاڵەبانی، جێگری سەرۆک وەزیرانی هەرێم له كۆبونه‌وه‌ی له‌گەڵ ئەندامانی ژووری بازرگانی سلێمانی ڕایگەیاندووە، ئیتر بەهیچ جۆرێک ڕیگا نادەین هیچ کەس و لایەنێک کێشە بۆ بازرگان و وەبەرهێنەران دروست بکات و هەڵبکوتێتە سەریان و بەناوی بەرپرسانەوە ئاریشەیان بۆ خۆیان و پڕۆژەکانیان دروست بکات.
ڕاشیگەیاندووە، ستراتیژی ئێمە بەهێزکردنی کەرتی تایبەتە، بۆیە بەهەموو تواناوە پشتگیری بازرگان و وەبەرهێنەران دەکەین و لایەنە پەیوەندیدارەکانی حکومەت ڕاسپێردراون هەموو جۆرە کارئاسانییەک بکەن لەپێناو کەمکردنەوەی ڕۆتین لەبەردەم کارەکانیان.
جەختیشی كردۆتەوە، سلێمانی ساڵی ٢٠٢٣دا لە ژمارەی پڕۆژەدا پێشەنگ بووه.
