بریکاری وەزارەتی تەندروستی هەرێمی کوردستان هۆشداری دەدات لە هەڵکشانی تووشبووانی شێرپەنجە و ئاشکراشی دەکات کە نەخۆشییەکە لە نێو منداڵاندا زیادی کردووە.
ئەمڕۆ پینجشەممە، رەهێڵ فەرەیدون، بریکاری وەزارەتی تەندروستی هەرێمی کوردستان ڕایگەیاند، لە ماوەی 10 ساڵی ڕابردوودا زیاتر لە هەزار و 800 منداڵ تووشی شێرپەنجە بوون و ساڵانەش ژمارەکە زیاد دەکات.
ئەوەشی خستەڕوو کە جگە لە شێرپەنجە، نەخۆشییەکانی خوێن لە نێو منداڵاندا زیادیکردووە و تەنها لە سلێمانیدا هەشت هەزار و 500 تووشبوو هەیە.
بریکاری وەزارەتی تەندروستی ڕاشیگەیاند، هەرچەندە ژمارەی تووشبووانی شێرپەنجە لە هەرێمی کوردستان کەمترە لە ڕێژەی ستاندار، بەڵام داتاکان مەترسیدارن و ساڵانە ژمارەکە زیاد دەکات.
