مامۆستایانی ناڕازی پارێزگای هەڵەبجە و هەرسێ شارۆچکەی شارەزوور، سەیدسادق، پێنجوێن ڕەتیدەکەنەوە بایکۆت بشکێنن و خۆپیشاندان ئەنجامدەدەن.
ئەمڕۆ مامۆستایانی ناڕازی پارێزگای هەڵەبجە و هەرسێ شارۆچکەی شارەزوور، سەیدسادق، پێنجوێن ڕەتیدەکەنەوە بایکۆت بشکێنن و دەڵێن: بەردەوام دەبین لە بایکۆت، سزاکان تەنها بۆ فشارە.
لە ڕاگەیەندراوێکدا مامۆستایانی ناڕازی ئاماژەیان بەوەشکردووە کە وەک نوێنەری سەرپەرشتیارانی ناڕەزایەتییەکان، بڕیاریانداوە کە ئەمڕۆ چوارشەممە خۆپیشاندانێکی بەرفراوان لە شار و شارۆچکەکان ئەنجامبدەن.
ئەمەش لە کاتێکدایە بایکۆت و ناڕەزایەتی مامۆستایان و وانەبێژان نزیکەی ٥ مانگ دەبێت بەردەوامی هەیە، لەگەڵ ئەوەی لە بەشێکی پەروەردەکانی سنووری پارێزگای سلێمانی مامۆستایان گەڕاونەتەوە بۆ هۆڵەکانی خوێندن، بەڵام مامۆستایانی ناڕازی جەخت لە جێبەجێکردنی داواکارییەکانیان دەکەنەوە و بەردەوامی بە بایکۆت دەدەن.
