یاریدەدەری بەڕێوەبەری گشتی پەروەردەی سلێمانی ڕایدەگەیەنێت، نزیکەی هەزار و 208 ناوەندی خوێندن دەستیان بە دەوامکردن کردۆتەوە و دەشڵێت: “غیابدانی مامۆستایان بە سزا بۆیان هەژمار ناکرێت”.
نەژاد عەبدوڵا، یاریدەدەری بەڕێوەبەری گشتی پەروەردەی سلێمانی لە کۆنفرانسێکی ڕۆژنامەوانیدا ڕایگەیاندووە، لە سنوری پارێزگای سلێمانی لە کۆی هەزار و 307 ناوەندی خوێندن، هەزار و 208یان دەوامیان تێدا دەکرێت و پڕۆسەی خوێندن بەرەو ئاسایی بوونەوە دەڕوات.
ڕاشیگەیاندووە، زۆربەی ناوەندەکانی خوێندنی سلێمانی دەستیان بە دەوام کردۆتەوە و پەیوەندی ڕاستەوخۆیان لەگەڵ بەرێوەبەرایەتییەکانی پەروەردەی سنوری پارێزگاکە هەیە.
ئاشكراشی كردووە، ژمارەی ئەو مامۆستایانەی بە نەهاتوو تۆمارکرابوون زیاتر لە 2 هەزار و 500 مامۆستا بوون، لە ئێستادا زۆربەیان گەڕاونەتەوە بۆ دەوام، نەهاتنی ئەو مامۆستایانەش بە سزا هەژمار ناکرێت”.
ئەمە لەكاتێكدایە، كە تا ئێستا خۆپیشاندان و ناڕەزایەتی مامۆستایان دژی دواكەوتنی مووچە و نەبوونی پلەبەرزكردنەوە و داواكردنی دامەزراندنی وانەبێژان بەردەوامە و هێشتا بەشێكی خوێندنگەكان لە بایكۆت بەردەوامن و هیچ داواكارییەكی مامۆستایان و فەرمانبەران جێبەجێ نەكراوە.
