وەزارەتی پەروەردەی هەرێمی کوردستان خشتەی ئەو بابەتانەی ئاڕاستەی بەڕێوەبەرایەتییەکان کرد کە بۆ تاقیکردنەوەی نیشتمانیی پۆلی 9ی بنەڕەتی دەستنیشان کراون.
ئەمڕۆ سێشەممە، وەزارەتی پەروەردە نووسراوێکی بڵاوکردەوە کە ئاڕاستەی سەرجەم بەڕێوەبەرایەتییە گشتییەکانی پارێزگا و ئیدارە سەربەخۆکان کراوە و ئاگاداریکردوونەتەوە لە خشتەی ئەو پرۆگرامانەی تاقیکردنەوەی خولی یەکەم و دووەمی ساڵی خوێندنی 2023-2024یان تێدا ئەنجام دەدرێت.
نووسراوەکە ئاڕاستەی پەروەردەکانی سلێمانی، هەڵەبجە، گەرمیان و ڕاپەڕینیش کراوە کە هێشتا لە زۆربەی خوێندنگەکانیاندا دەوام دەستی پێنەکردووەتەوە.
