تیمەکانی کۆمپانیای نەوتی باکوور سەرقاڵی چاککردنەوەی بۆرییەکی نەوتی کەرکووکن کە لە دوێنیوە شکاوە.
لە شەوی چوارشەممەوە بۆرییەکی گواستنەوەی نەوت لە کەرکووک شکاوە و تیمەکانی کۆمپانیای نەوتی باکوور هەوڵەکانیان بۆ چاککردنەوەی بۆرییەکە دەستپێکردووە.
هۆکاری شکانی بۆرییەکە بۆ کۆنیی دەگەڕێتەوە و بە پێی زانیارییەکان 18 ساڵ لەمەوبەر ڕاکێشراوە، بەمەبەستی پاراستنی گیانی هاووڵاتییانیش لە هەر مەترسییەک، خانووەکانی نزیک لە بۆرییەکە چۆڵ کراون.
مانگی ڕابردووش بۆرییەکی گواستنەوەی غاز لە کەرکووک شکا و دوای هەوڵی تیمەکانی نەوتی باکوور، کێشەکە چارەسەر کرا.
