بەڕێوەبەرێتی پەروەردەی ڕۆژهەڵاتی سلێمانی هەلی دامەزراندنی 4 مامۆستای وانەبێژ بۆ خوێندنگەیەكی كوردانی ڕۆژئاوای كوردستان ڕادەگەیەنێت و جەختیشدەكاتەوە، كە وانەكان بە عەرەبین و دەبێت زمانی عەرەبی بزانێت.
بەڕێوەبەرێتی پەروەردەی ڕۆژهەڵاتی سلێمانی لە ئاگادارییەكدا بۆ ئەو دەرچووانەی دەیانەوێت وەك وانەبێژ دابمەزرێن ڕایگەیاندووە، “ئامادەیی حەسەکە، کە خوێندکارەکانی لە کوردانی ڕۆژئاوای کوردستانن و شێوازی خوێندنیان بەزمانی عەرەبییە، پێویستیان بە دوو وانەبێژ هەیە بۆ وانەکانی (فیزیا و کیمیا).
ڕاشیگەیاندووە، دەبێت خوازیار دەرچووی زانكۆ بێت و زمانی عەرەبی بزانێت، لەبەرئەوەی وانەکان بەزمانی عەرەبی دەوترێنەوە.
ئاماژەی بەوەشكردووە، “پێویستمان بە دوو وانەبێژی هونەر هەیە لە پسپۆڕی موزیک”.
ڕوونیشی كردۆتەوە، هەرکەس ئارەزوومەندە، دەتوانێت سبەینێ چوار شەممە ڕێکەوتی ۷ ی ۲ ی ۲۰۲٤ کاتژمێر (٨:٣٠ ی بەیانی تا ١٢:٠٠ ی نیوەڕۆ) سەردانی هۆبەی خۆیەتی و میلاک بکات بۆ وەرگرتنی فۆڕمی وانەبێژی.
جەختیشی كردۆتەوە، پسپۆڕیەکان و مەرجەکان دیاریکراون تەنها ئەو دەرچووانە سەردانمان بکەن، کە مەرج و پسپۆڕییەکان دەیانگرێتەوە.
