ئەنجوومەنی وەزیرانی عێراق كۆبوونەوەی ئەمڕۆی دواخست بۆ سبەینێ و وتەبێژی حكومەت دەڵێت: “بەهۆی پشوو و یادی شەهید بوونی ئیمام كازمەوە كۆبوونەوە ناكرێت”.
باسم عەوادی، وتەبێژی حكومەتی عێراق لە لێدوانێكی ڕۆژنامەوانیدا ڕایگەیاند، كۆبوونەوەی ئەمڕۆی ئەنجوومەنی وەزیران ئەنجام نادرێت و دواخراوە بۆ سبەینێ چوار شەممە.
ڕاشیگەیاندووە، هۆكاری دواخستنی كۆبوونەوەكە دەگەڕێتەوە بۆ ئەوەی، كە ئەمڕۆ لە دامودەزگاكانی بەغدا پشووە و هەروەها زیندووكردنەوەی یادی شەهید بوونی ئیمام كازم (سەلامی خوای لەسەربێت).
هەفتانە لە ڕۆژی سێ شەممەدا ئەنجوومەنی وەزیرانی عێراق بە سەرۆكایەتی محەمەد شیاع سودانی كۆبوونەوەی ئاسایی خۆی ئەنجام دەدات و تیایدا چەندین بڕیار دەردەكرێن.
