بەڕێوەبەرایەتی گشتی بازرگانی هەرێم چەند ڕێنماییەك دەربارەی پسووڵەی خۆراكی مانگانەی هاووڵاتیان بڵاودەكاتەوە.
بەڕێوەبەرایەتی گشتی بازرگانی هەرێم 7 ڕێنمایی تایبەت بە پسووڵەی خۆراكی بڵاوكردۆتەوە، كە تایبەتە بەو هاووڵاتیانەی لە دەرەوەی وڵاتن و ئەوانەی هاوسەرگیری دەكەن و گواستنەوە لەنێوان پارێزگاكان و سڕینەوەی ناو و ڕاستكردنەوەی ناو و زیادكردنی منداڵ.
دەقی ڕێنماییەكانی دروستكردنی پسووڵەی خۆراك:
یەكەم/ دروستكردنی پسووڵەی خۆراكی تازە (ئەوانەی لەدەرەوەی وڵات دەگەڕێنەوە):
1- هێنانی ڕەزامەندی قائیمقامیەت.
2- ئامادەبوونی ئەندامانی خێزان لەگەڵ هێنانی كارتی نیشتمانی.
3- ئامادەكردنی فۆڕمی دروستكردنی پسوولەی خۆراك لای عەریزەنووس.
4- وەسڵی پارە وەرگرتن (رسومات).
دووەم/ دروست كردنی پسوولەَی خۆراك دوای هاوسەرگیری:
1- پسووڵەی خۆراكی خانەوادەی (كوڕەكە).
2- پسووڵەی خۆراكی خانەوادەی (كچەكە).
3- گرێبەستی هاوسەرگیری.
4- ناسنامەی باری شارستانی یاخود كارتی نیشتیمانی.
5- ئامادەكردنی فۆڕمی دروستكردنی پسوولەی خۆراك لای عەریزەنووس.
6- وەسڵی پارە وەرگرتن (ڕسومات).
سێیەم/ گواستنەوە لە پارێزگاكان بۆ پارێزگای هەولێر :
1- هێنانی ڕەزامەندی قائیمقامیەت.
2- هێنانی پسوولەی خۆراك لەگەڵ ناسنامە (كارتی نیشتمانی).
3- ئامادەكرنی فۆڕمی گواستنەوەی پسوولەی خۆراك.
4- وەسڵی پارە وەرگرتن (ڕسومات).
چوارەم/ گواستنەوە لە پارێزگای هەولێر بۆ پارێزگاكانی تری عیراق :
1- هێنانی ڕەزامەندی ئەو شارەی پسووڵەكەی بۆ دەگوازرێتەوە.
2- هێنانی پسووڵەی خۆراك لەگەڵ ناسنامە (كارتی نیشتمان)ی ئەندامانی خێزان .
پێنجەم/ سڕینەوەی ناو لە پسوولەی خۆراك :
1- سڕینەوەی ناوی تاك ئەگەر هاوسەرگیری كردبێت و پسوولەی تایبەتی خۆی هەبێت.
2- سڕینەوەی (مردوو) بەپێی بەلگەنامەی كۆچی دوایی دەبێت.
3- جیابوونەوە بەپێی تەڵاقنامە دەبێت ئەگەر منداڵیان هەبوو دەبێ بڕیاری لە باوەش گرتن یان پێســــــپێری (قرار حچانە، وصایە)ی هەبێت .
شەشەم/ تۆماركردنی منداڵ بە پێی پسووڵەی خۆراك و كارتی نیشتمانی دەبێت یان وێنەی كۆتكراوی ئەلیكتڕۆنی .
حەوتەم/ ڕاست كردنەوە و گۆڕینی ناو بەپێی بڕیاری دادگا دەبێت .
