بەهۆی زۆربوونی ڕێژەی دامەزراندن لە ئەمریكا و دابەزینی ڕێەی بێكارییەوە، نرخی زێڕ لە بۆرسەی جیهانی دابەزینی تۆماركرد و نرخەكەی 30 دۆلار دابەزیوە.
دانا وەرتی، خاوەنی زێڕنگەری ئازوورا لە هەولێر بۆ (خەڵك) ڕایگەیاند، داتای بێکاری و دامەزراندن لەکەرتی تایبەت لە ئەمریکا ئێوارەی ئەمڕۆ بڵاوكرایەوە و ئەوەش كاریگەری هەبوو لەسەر نرخی زێڕ.
وتیشی، “ڕێژەی دامەزراندن لە كەرتی تایبەت لە ئەمریكا لە 216 هەزارەوە بۆ 353 هەزار كەس زیادی كردووە و بەوەش ڕێژەی بێكاری دادەبەزێنێت، ئەمەش بووە هۆی دابەزینی نرخی زێڕ و بەهێزی بەهای دۆلار”.
ئاماژەی بەوەشكرد، بەیانی ئەمڕۆ بەهای یەك ئۆنسە زێڕ بە 2057 دۆلار بوو، ئێستا دابەزیوە بۆ 2027 دۆلار و بە ڕێژەی زیاتر لە 1.31% و بەوەش نرخەكەی 30 دۆلار دابەزیوە.
