عێراق لە ئێوارەی ئەمڕۆوە سەرجەم گەشتە ئاسمانییەکانی نێوان بەغدا و مۆسکۆ تا کاتێکی نادیار ڕادەگرێت.
ئەمڕۆ پێنجشەممە، هێڵی ئاسمانی عێراق، ڕایگەیاند، “گەشتیاران ئاگاداردەکەینەوە لە ئەمڕۆوە سەرجەم گەشتە بەرنامە بۆ داڕێژراوەکانی نێوان بەغدا و مۆسکۆ تا کاتێکی نادیار ڕادەگیرێن”.
هەروەها هێڵی ئاسمانی عێراق داواش لەو گەشتیارانە دەکات، کە پێشوەختە حجزیان هەیە، سەردانی فەرمانگەکانی کۆمپانیاکە بکەن لە بەغدا بە مەبەستی وەرگرتنەوەی بلیتەکانیان.
