وەزارەتی نەوتی عێراق ڕایگەیاند داهاتی کۆتا مانگی ساڵی 2023 زیاتر لە هەشت ملیار و 300 ملیۆن دۆلار بووە.
ئەمڕۆ یەکشەممە، وەزارەتی نەوتی عێراق داتای کۆتایی هەناردە و داهاتی مانگی کانوونی یەکەمی 2023ی بڵاوکردەوە و ڕایگەیاند، بڕی 108 ملیۆن و 56 هەزار و 590 بەرمیل نەوت هەناردە کراوە.
ڕوونیشیکردەوە کە تێكڕای هەر بەرمیلێك بە 76 دۆلار و 914 سەنت فرۆشراوە و داهاتەکەشی هەشت ملیار و 311 ملیۆن و 34 هەار دۆلار بووە .
وەزارەتی نەوتی عێراق ڕاشیگەیاند، نەوتەکە لە ڕێی بەندەری جەیهان و کۆگاکانی کەرکووك، بەندەری بەسڕە و خۆری زوبێرەوە هەناردە کراوە.
