شەپۆلێکی خۆڵبارین ناوچەکانی هەرێمی کوردستان دەگرێتەوە، لە ناوچەکانی گەرمیان و کەرکووک کاریگەری زیاتر دەبێت.
ئاراس جەبار، شارەزای کەشناسی ڕایگەیاند، لە ئەنجامی چالاکبوونی بای باشوور و باشووری خۆرھەڵات لە کاتەکانی ئێستادا لە ناوچەکانی باشووری گەرمیانەوە خۆڵبارین دروستبووە.
ئاماژەی بەوەکرد، پێشبینی دەکرێت بە ئاڕاستەی باکەوە لە کاتەکانی داھاتوودا تا کاتەکانی ئێوارە زۆربەی ناوچەکانی سنووری ئیدارەی گەرمیان، پارێزگای کەرکوک و ڕۆژئاوای پارێزگای سلێمانی، سەنتەری پارێزگای ھەولێر دەگرێتەوە.
بە گشتی کاریگەری خۆڵبارینەکە لەسەر ناوچەکانی گەرمیان و کەرکوک زیاتر دەێت، لە ناوچەکانی دیکەشدا بەکەمی ئاسمان نا ڕوون دەبێت .
