دەستەی نوێنەرانی مامۆستایانی پێنجوێن دواین بڕیاریان بۆ شكاندنی بایكۆت ڕاگەیاند و جەختیان كردەوە، بەڕێوبەرەکان ڕەتیان کردەوە بایکۆت باشکێنن بۆیە بایكۆت بەردەوام دەبێت.
دەستەی نوێنەرانی مامۆستایانی پێنجوێن لە ڕاگەیەنراوێكدا ئاماژەیان بەوەكردووە، “ئەمڕۆ بە ئامادەبوونی مامۆستا دڵشاد، بەڕێوبەری گشتی پەروەردەی سلێمانی و بەڕێوبەری پەروەردەی پێنجوێن، کۆبوونەوە بە بەڕێوبەرەکانی پەروەردەی پێنجوێن کراوە تا ڕازیان بکەن بایکۆت بشکێنن”.
ڕاشیگەیاندووە، “خۆشبەختانە بەڕێوبەرەکان ڕەتیان کردەوە بایکۆت باشکێنن و ئەنجامی کۆبوونەوەکە بە بەردەوامی بایکۆت کۆتایی هات”.
ماوەی 4 مانگە لە سنووری پارێزگاكانی سلێمانی و هەڵەبجە و ئیدارەكانی گەرمیان و ڕاپەڕین و شارۆچكەی كۆیە بایكۆت و خۆپیشاندانی مامۆستایانە و وەرزی یەكەمی خوێندن تێپەڕی بەبێ ئەوەی خوێندكاران بچنەوە هۆڵەكانی خوێندن جگە لە خوێندكارانی 12ی ئامادەیی، بەڵام لەگەڵ دەستپێكی وەرزی دووەمی خوێندن لە هەفتەی ڕابردووەوە و گشتاندنەكەی پەروەردەی پارێزگا و ئیدارە سەربەخۆكان بۆ دەستپێكردنەوەی خوێندن و گۆڕانكاری لە وەرزی خوێندن و كەم كردنەوەی پڕۆگرامی خوێندن بەشێكی كەمی خوێندنگەكان كراونەتەوە.
