بە هۆی بەردەوامبوونی گرژییەکانی دەریای سوور، جارێکی دیکە نرخی نەوت لە بازاڕەکانی جیهاندا بەرزبووەوە.
ئەمڕۆ هەینی، نرخی بەرمیلێك نەوتی خاوی برێنت بۆ 79 دۆلار و 18 سەنت بەرزبووەوە، ئەمەش لە کاتێکدا کە پێشتر نرخەکەی زیاتر لە دوو دۆلار دابەزی بوو.
هەر ئەمڕۆ نرخی نەوتی خاوی ئەمریکیش بەرزبووەوە و بەرمیلێك بە 74 دۆلار و 27 سەنتەوە مامەڵەی پێوە دەکرێت.
هەڕەشەی حووسییەکانی یەمەن مەترسی لەسەر جوڵەی کەشتییەکان لە دەریای سووردا دروست کردووە، ئەوەش وایکردووە نرخی نەوت لە جیهاندا بەرەو بەرزبوونەوە بچێت.
