سەرۆك وەزیرانی عێراق ڕایدەگەیەنێت، پێویستە پەلە بكرێت لە یەکلاکردنەوە و تەواوکردنی سکاڵا و دۆسیە تاوانکارییەکان لە ماوەی یاسایی دیاریکراودا و دەشڵێت: “كاری پلەباڵاكان هەڵدەسەنگێنرێت بۆ ڕێگریکردن لە گەندەڵی و پاراستنی سامانی گشتی بكرێت”.
محەمەد شیاع سودانی، سەرۆك وەزیرانی عێراق لە كۆنفرانسی ڕووبەڕووبوونەوەی گەندەڵی ڕایگەیاند، پێویستە پەلە بكرێت لە یەکلاکردنەوە و تەواوکردنی ئاگادارکردنەوە و سکاڵا و دۆسیە تاوانکارییەکان لە ماوەی یاسایی دیاریکراودا، بەتایبەتی کەیسەکانی پەیوەست بە ڕای گشتی، بڕێکی زۆر لە گەندەڵی فەرمانبەرانی باڵای دەوڵەت؛ بە مەبەستی سەپاندنی سزای یاسایی بەسەر ئەوانەی سزادراون و بەرزکردنەوەی متمانە بە لێپرسینەوە و ڕێکارەکانی لێپرسینەوە بۆ دڵنیابوون لە بەدەستهێنانی ڕێگری گشتی.
ڕاشیگەیاندووە، هەڵسەنگاندنی خولیی ئەدای ئەو کەسانەی پلەی کاریان بەرزترە، بۆ دڵنیابوون لە کاریگەری و ئەدای دامودەزگا حکومییەکان؛ بۆ ڕێگریکردن لە گەندەڵی و پاراستنی سامانی گشتی.
ئاماژەی بەوەشكردووە، پتەوکردنی توانای مرۆیی و توانای تەکنیکی ئۆرگانەکانی کۆنتڕۆڵی ناوخۆ لە دامودەزگاکانی حکومەت، بۆ زیادکردنی کاریگەری و کارایی ئەدای کارەکانیان و دانانی میکانیزمی هەڵسەنگاندنی خولیی و شەفاف بۆ ئاستەکەیان و دەستنیشانکردنی ئەو بوارانەی پێویستیان بە گەشەپێدان هەیە.
جەختیشی كردۆتەوە لەسەر “بەهێزکردنی سەربەخۆیی دەزگا ڕێکخستنەکان و پێشکەشکردنی پاڵپشتی دارایی و تەکنیکی بۆ بەرزکردنەوەی ئاستی توانا و لێهاتوویی کارمەندەکانیان، لە بواری بەکارهێنانی تەکنەلۆجیا و شێوازی سەردەمیانە لە چاودێریکردن و ڕووبەڕووبوونەوەی گەندەڵی”.
سودانی دەشڵێت: “گرنگە پەرە بدرێت بە یاساكان و نوێكردنەوەیان بۆ هاوسەنگ بوون لەگەڵ پێشهاتەکان، هەروەها پڕکردنەوەی کەلێنەکان بۆ دابینکردنی چوارچێوەی یاسایی کارا و گشتگیر لە بەرەنگاربوونەوە و ڕێگریکردن لە گەندەڵی”.
بە وتەی سەرۆك وەزیران، “هەوڵدان بۆ واژۆکردنی یاداشتنامەی لێکتێگەیشتن و ڕێککەوتنی هاوکاری لەگەڵ وڵاتان و ڕێکخراوە نێودەوڵەتییەکان، هەروەها دانانی میکانیزمی هەماهەنگی هەمیشەیی لەگەڵیان بۆ ئاڵوگۆڕی زانیاری لە بەرامبەر تەحەددای هاوبەش لە بواری بەرەنگاربوونەوە و کەمکردنەوەی گەندەڵی بەتایبەتی سەبارەت بە وەرگرتنەوەی داهاتی گەندەڵی و وەرگرتنەوەی تۆمەتباران و کەسانی سزادراو و داواکراو و دادگایی کردنیان”.
ئەوەشی سووربوونی خۆی ڕاگەیاند لەسەر، “یاسادانان بۆ دروستکردنی دەسەڵاتی چاودێری، لەسەر بنەمای بڕگەکانی مادەی 108ی دەستوور؛ بۆ بەرزکردنەوەی کۆنترۆڵی ناوخۆیی لە دامەزراوە حکومییەکان، ڕێکخستنی ڕێکارەکانی چاودێری خۆپارێزی پێشوو و دواتر و بەرزکردنەوەی ئاستی بەرپرسیارێتی و دەستپاکی و شەفافیەت. پاراستنی سامانی گشتی”.
