وەزارەتی دەرەوەی عێراق ڕایگەیاند، عێراق سەركۆنەی هێرشەكانی سەر وڵاتی یەمەن دەكات، هۆشداری لە فراوانبوونی شەڕ لە ناوچەکەدا دەدات.
وەزارەتی دەرەوەی عێراق ڕاگەیەندراوێکی بڵاوکردەوە و ڕایگەیاند، ” لە سەرەتای دەستدرێژی و شەڕی ناڕەوا كە لەلایەن هێزەكانی داگیركەر بۆ سەر كەرتی غەززە دەستیپێكردووە، عێراق هۆشداریی بڵاوكردووەتەوە كە دەرئەنجامەكانی بەردەوامبوون قۆرخکارییەکان شکستی وڵاتانی زلهێزی بە دوادادێت، دەبێتە هۆی ئەوەی كە بابەتە بەرەو پێشهاتە گشتگیرەكان بخلیسكێت لە سنوورەكانی غەززە و ناوچە فەلەستینییەكان ناوەستێت و مەترسی شەڕ و بڵاوبوونەوەی توندوتیژی لە دەوروبەری تەواوی ناوچەكە.
ئاماژەی بەوەکرد، بە بێ بایەخكردنی تەواوەتی بانگەوازەكان بۆ وەستاندنی شەڕ، كە تەنانەت لەلایەن ئەمینداری گشتی نەتەوە یەكگرتووەكان، ئەنتۆنیۆ گۆتێرێسەوە جەختی لەسەر كراوەتەوە، هەڵسوكەوتی شەڕانگێزی داگیركەر بەردەوام بوو، ژمارەیەك وڵاتانی ڕۆژئاوایی لە پشتییەوە وەستاون و پێداگرن لەسەر پشتیوانیكردنی شەڕی دژ بە فەڵەستینییەكان.
جەختی لەوەشکردەوە، ئیدانەی دەستدرێژی بۆ سەر یەمەن و سەروەرییەكەی دەكەین و پێمان وایە فراوانكردنی بازنەی بە ئامانجگرتن نوێنەرایەتی چارەسەرێك بۆ كێشەكە ناكات، بەڵكو سەركردایەتی دەكات بۆ فراوانكردنی بازنەی شەڕەكە، بەڵكو چارەسەرەكە لەوەدایە كە ئەنجومەنی ئاسایشی نەتەوە یەكگرتووەكان بەرپرسیارێتیەكانی خۆی جێبەجێ بكات، وە بڕیارنامەیەك بۆ ڕاگرتنی شەڕی شەڕانگێزانە و دڕندانە دژی فەلەستینییەكان لە كەرتی غەززە دەربكرێت.
