وەزارەتی بەرگری تورکیا لە ڕاگەیەندراوێکدا کوژرانی سەربازێک و برینداربوونی سەربازێکی دیکەی لە هەرێمی کوردستان ڕاگەیاند.
وەزارەتی بەرگریی تورکیا، لە هەژماری فەرمیی خۆی لە تۆڕی کۆمەڵایەتیی ئێکس، کوژرانی سەربازێک بەناوی سامەت ئاسڵان و برینداربوونی سەربازێکی دیکەی لە ئەنجامی هێرشێکی گەریلاکانی پەکەکە لە خاڵی سفری سنووری باشووری کوردستان لەگەڵ باکووردا، ڕاگەیاند.
بەپێی ڕاگەیەندراوەکەی وەزارەتی بەرگری تورکیا، ژمارەی ئەو سەربازانەی سوپای تورکیا لە دەستپێکی ئۆپەراسیۆنەکەوە لە هەرێمی کوردستان کوژراون، گەیشتە ١٢٢ سەرباز.
