نرخی زێڕ هەڵکشان و داکشانی خێرا بە خۆوە دەبینێت و نەوتی برێنتیش لەسەروو 77 دۆلار ماوەتەوە.
ئەمڕۆ پێنجشەممە، نرخی ئۆنسەیەك زێڕ لە دوو هەزار و 23 دۆلارەوە بۆ دوو هەزار و 34 دۆلار بەرزبووەوە.
ئەمەش دوای ئەوە هات کە دوێنێ چوارشەممە، نرخی ئۆنسەیەك لە نێوان دوو هەزار و 20 بۆ دوو هەزار و 40 دۆلاردا هەڵبەز و دابەزی دەکرد.
ئەمڕۆش نرخی یەك بەرمیل نەوتی برێنت بۆ 77 دۆلار و 40 سەنت بەرز بووەوە و نەوتی خاوی ئەمریکیش بە 71 دۆالر و 90 سەنتەوە مامەڵەی پێوە دەکرێت.
