بەڕێوەبەرایەتی گشتی ئاسایش-سلێمانی بڵاویکردەوە، بڕی (٩)کیلۆگرام ماددەی هۆشبەر لە ئۆپەراسیۆنێکی هێزەکانی ئاسایش، دەستیبەسەرداگیرا.
ئاماژەی بەوەشداوە،لەدوای بەدواداچوون و چاودێری ووردی بەڕێوەبەرایەتی نەهێشتنی ماددە هۆشبەرەکانی دەزگای ئاسایش، بەهەماهەنگی لەگەڵ پۆلیسی گومرگی ڕاپەڕین، لەڕۆژی ٢٠٢٤/١/١٠ لە سنوری گوندەکانی (زەڵێ – زێوکە )ی ئیدارەی ڕاپەڕین، هێزەکانی ئاسایش لە بۆسەیەکدا بۆ دەستگیرکردنی دوو تۆمەتباری بازرگانی ماددەی هۆشبەر ڕووبەڕوبونەوە و تەقەکردن ڕوودەدات، لەئەنجامدا تۆمەتباران هەڵدێن بۆ ئەودیوو سنورەکان و دەستدەگیرێت بەسەر بڕی ( نۆ )کیلۆگرام ماددەی هۆشبەر لە جۆری کریستاڵ.
جەختیشی کردەوە، دەزگای ئاسایشی هەرێم، بەردەوام دامەزراوەیەکە بۆ ئارامی و ڕووبەڕوبونەوەی مەترسییەکان لەپێناو دابینکردنی ئارامی زیاتر بۆ هاوڵاتیان و بەگژداچوونەوەی ماددە هۆشبەرەکان.
