سەرۆكی سەندیكاكانی كرێكاران لە سلێمانی ڕایگەیاند، بەهۆی کەوتنی ئۆتۆمبێلێک بەسەریاندا، لە سلێمانی كەسێك، كە كاری چاككردنەوەی ئۆتۆمبێلە “فیتەر” گیانی لەدەستدا و کەسێکی دیکەش بریندار بوو.
چالاک ڕەئوف، سەرۆكی سەندیكاكانی كرێكاران لە سلێمانی ڕایگەیاندووە، لەكاتی هەوڵی چاككردنەوەی ئۆتۆمبێلی كۆمپانیایەك لە نزیك شاری سپی لە سلێمانی ئۆتۆمبێلەکە بەسەر دوو کەسدا کەوتووە، کە یەکێکیان چاککەرەوەی ئۆتۆمبێل بووە و ئەوەی دیکەشیان خاوەنی ئۆتۆمبێلەکە بووە.
ڕاشیگەیاندووە، لە ڕووداوەکەدا چاککەرەوەی ئۆتۆمبێلەکە گیانی لەدەستداوە، کە خێزاندارە و كەسەكەی دیكەش بریندار بووە.
