دابەشکردنی بەنزینی ٧٥٠ دیناری لە کۆیە دەستیپێکرد، شۆفێران دەتوانن لە وێستەگەیەکی دیاریکراو وەریبگرن.
ئەمڕۆ شەممە، تاریق حەیدەری، قایمقامی کۆیە ڕایگەیاندووە، لە کاتژمێر ٧:٠٠ بەیانییەوە دابەشکردنی بەنزینی ٧٥٠ دیناری دەستیپێکردووە، هەرچەندە بەپێی خواستی شارۆچکەکە نییە و داوامانکردووە بڕەکەی زیاد بکرێت.
هاوکات شۆفێران لە ئەمڕۆوە دەتوانن سەردانی بەنزینخانەی ژیلوان بکەن و بەنزینی ٧٥٠ دیناری بەدەستبخەن، لە کاتێکدا تا ئێستا چەند بەنزینخانەیەک بەهۆی خراپی کوالیتی بەنزینەوە سزادراون.
