لەمڕۆوە ڤەیپ و جگەرەی ئەلیکترۆنی لە دهۆک قەدەغەیە و لەهەر شوێنێک ببینرێت دەستی بەسەردا دەگیرێت.
شەمعون شلیمون ئیشو، جێگری پارێزگاری دهۆک بۆ کاروباری ئیداری ڕایگەیاند، ” ئەمڕۆ لە کۆبوونەوەیەکدا بڕیارماندا لە هەر شوێنێک ڤەیپ و جگەرەی ئەلیکترۆنی ببینرێت دەستی بەسەردابگیرێت.
ئاماژەی بەوەکرد، لە ڕۆژی یەکشەممەوە لیژنەکان بازاڕ دەگەڕێن، لە هەر شوێنێک بیبینن دەستی بەسەردا دەگرن، پێشتر مۆڵەت بە خاوەن دوکانەکان درابوو، بەڵام ئیتر وادەی مۆڵەتەکە تەواو بووە.
