بەڕێوەبەر و دەستەی سەرپەرشتیاری نەخۆشخانەی شەهید شەوکەتی حاجی مشیر لە قەزای سەیدسادق ئامار و ژمارەی کار و چالاکییەکانی نەخۆشخانەکەی بۆ ساڵی ٢٠٢٣ بڵاوکردەوە.
بەگوێرەی ئەو ئامارانەی خراونەتەڕوو،٣٥ هەزار و ١٥٠ نەخۆش سەردانی بەشی ڕاوێژکاری نەخۆشخانەکەیان کردووە.
ئەو نەخۆشانەی لەبەشی قاوش داخڵکراون دوو هەزار و ٧٧٨ کەس بووە، ٣١ هەزار و ٩١٤ نەخۆش هێنراونەتە بەشی فریاکەوتنی نەخۆشخانەکە.
هەروەها ٩٣٢ نەشتەرگەری لە نەخۆشخانەی گشتی شەهید ڕەوف بەگ لە قەزای سەیدسادق ئەنجامدراوە و هەزار و ٤١٨ نەشتەرگەری ششتنەوەی گورچیلە “دەیلێزە” ئەنجامدراوە.
هاوکات، چوار هەزار و چوار جار تیشکی ئێکس ڕەی گیراوە بۆ نەخۆشەکان و لەگەڵ ئەنجامدانی ١٥ هەزار و ٩٦٣ هێڵکاری دڵ، شەش هەزار و ٨٧ سۆنەر، حەوت هەزار و ٩١٣ چارەسەری سروشتی، چوار هەزار و ٤٤٦ پشکنینی چاو، ١٤ هەزار و ٣٩٨ پشکنین و شیکاری نەخۆشییەکان و ٢٢٩ هەزار و ٥٧٩ فەحس بۆ هاووڵاتییان ئەنجامدراوە.
