لە دەستپێکی ساڵی نوێدا نرخی بیتکۆین بە شێوەیەکی بەرچاو لە بازاڕەکانی جیهاندا بەرزبووەوە و 45 هەزار دۆلاری تێپەڕاند.
ئەمڕۆ سێشەممە، یەکەم ڕۆژی کردنەوەی بازاڕەکانی جیهان بوو لە ساڵی 2024دا و تێیدا گۆڕانکاریی گەورە بەسەر نرخی بیتکۆیندا هات، بە جۆرێك نرخی بیتکۆینێك لە 43 هەزار و 370 دۆلارەوە بازی دا بۆ 45 هەزار و 880 دۆلار.
ئەمەش بە هەڵکشانێکی پێوانەیی بیتکۆین دادەنرێت ئەویش دوای ئەو دابەزینە بەرچاوەی ساڵی ڕابردوو بەخۆیەوە بینی و نرخەکەی بۆ کەمتر لە 18 هەزار دابەزی.
