بەپێی ڕاپۆرتی شارەزایانی كەشناسی، چەندین شەپۆلی بەفر و بارانی باش و سەرما و سۆڵەی توند بەڕێگاوەن و تاوەكو وەرزی بەهار بەفر دەبارێت.
شاڵاو هیدایەت، شارەزای كەشناسی ڕایگەیاندووە، ئەم پێشبینیە % 100 لێکدانەوەی خۆمە تەنیا بەپێی تەجروبەی خۆم و ڕەگەزەکانی کەش و هەوای ناوچەکە لەناو وەرزی هاوین لێکدانەوەی وردم کردووە بۆ ناو زستان ڕێگای زانستیش لێرە دەخەمە ڕوو.
ڕوونیشی كردۆتەوە، بوونی ڕەشەبایە چالاک و ناو بەناوەکانی وەرزی هاوین بەتایبەتی کۆتاییەکانی مانگی (6 و 7 و 8) نیشانەی بوونی شەختە و بەستن و سەرمای توندە بۆ ناو وەرزی زستان و بوونی بای شەماڵ و ناو بەناو بەشێک لەڕۆژەکان لە کاتەکانی دوانیوەڕۆ بەدواوە و بوونی باران لەناو وەرزی هاویندا و زۆر بوونی لەناوچە جیا جیاکان بەشێوەی ئاست بەرز لەچاو چەندین هاوینی ڕابردوو، هەروەها زۆربوونی بەڕێژەیەکی ئاست بەرز لەئاستی ئاساییەکان ئاماژەن بۆ بوونی چەندین شەپۆلی دابارینی باران و بەفر و تەرزەی باش بۆ ناو وەرزی زستان.
ئاماژەی بەوەشكردووە، بەو پێیە و بەپێی ئەو لێکدانەوەیانەی کردومانە زستانی ئەمساڵی 2024 مان یەکێک دەبێت لەزستانە زۆر ساردەکان و سەخت دەبێت.
دەشڵێت: “مانگی 1 و 2 زۆر سارد دەبێت و لەم مەودایەدا ئەگەری بەفر بارین بەگشتی بۆ ناوچەی شاخاوی و نیمچە شاخاوی و سەنتەرەکانیان کراوەیە ئەگەری زۆره بەفر بارین دەشتاییەکانی هەولێر و موسڵ و کەرکوک و گەرمیانیش بگرێتەوە و سپی پۆشیش ببن و هەروەها مانگی 3 و 4 ساردە و ئەگەری بەفر بارین بۆ کوێستانەکان هەیە”.
پێشبینی ئەوەشی كردووە، “وەرزی بەهاریش زۆر باش دەبێت لەڕووی دابارینەوە “.
