بوومەلەرزەیەكی بەهێزی سەروو 7 پلە بە پێوەری ڕێختەر وڵاتی ژاپۆنی هەژاند و بەرپرسانی ئەو وڵاتە هۆشداری كارەساتی مرۆیی و تسونامی دەدەن.
ئاراس جەبار، شارەزای بوومەلەرزەزانی و كەشناسی بۆ (خەڵك) ڕایگەیاند، ئەمڕۆ بوومەلەرزەیەكی زۆر بەهێز بە گوڕی 7.4 پلە بە پێوەری ڕێختەر وڵاتی ژاپۆنی هەژاندووە.
ڕاشیگەیاند، بوومەلەرزەکە کاتژمێر 10:10 خوولەکی بەیانی ئەمڕۆ بە کاتی هەرێمی كوردستان ڕوویداوە بە قووڵایی 10 کیلۆمەتر و چەقەکەی لە شاری (ناناو)ـی پارێزگای ئیشیکاوا بووە.
بەپێی ڕاپۆرتی میدیاكانی ژاپۆن، “تسۆنامی دەستی پێكردووە بە بەرزیی 1.2 مەتر بۆ نێو شاری واجیما-ی پارێزگای ئیشیکاوا، هەروەها کارەبای 33 هەزار و 500 ماڵ پچڕاوە و لە هەندێ شوێنیش ئاگر کەوتووەتەوە”.
هۆشداریش دراوە بە هاووڵاتیان، كە ماڵەكانیان چۆڵ بکەن و بچنە شوێنە بەرزەکان.
