مەزهەر محەمەد ساڵح، خەرجیە سەرەکیەکانی بودجەی ئەمساڵی خستەڕوو، جەختی لەوە کردەوە کە پاشەکەوتی دارایی کەرتی تایبەت بەشدار دەبێت لە رەخساندنی هەلی کار و زیادکردنی داهات.
ئەمڕۆ دووشەممە، مەزهەر محەمەد ساڵح، ڕاوێژکاری سەرۆک وەزیران ڕایگەیاند، بودجەی فیدڕاڵی بەپێی یاسای ژمارە ١٣ ی ساڵی ٢٠٢٣ پەسەندکراوە، پارێزگاری لە خەرجیە چەسپاوەکانی خۆی دەکات و ڕەچاوی پێشهاتەکانی نرخی نەوت لە جیهاندا دەکات.
ئاماژەی بەوەکرد، لە ئاڕاستەی یەکەمدا پتەوکردنی سیستەمی داراییە هاوتەریب لەگەڵ زیادکرنی داهاتە نانەوتیەکان، ئاڕاستەی دووەمیش نەرمی نواندنی یاساییە لە کات و ساتەکانی خەرجیە گشتیەکان.
وتیشی، بودجە پارێزگاری لە چەسپاوی خەرجیەکان دەکات، لە پێش هەمووشیانەوە مووچە و پڕۆژەکانی خزمەتگوزاریەکان، جگە لەوەش پڕۆژەکانی پشتیوانیکردنی کەرتی تایبەت و بازاڕی کارکردن و بە گەڕخستن.
ناوبراو جەختی لەوە کردەوە، پاشەکەوتی دارایی کەرتی تایبەت بەشداری دەکات لە پڕۆژەکانی گەشەپێدان و ڕەخساندنی هەلی کار کە داهات دابین دەکەن و بە شێوازێکی هاوبەشی ستراتیژی لەنێوان دەوڵەت و کەرتی تایبەتدا بەڕێوەدەچێت.
