ئەم كەشوهەوا وشك و كەم بارانییەی ناوچەكانی هەرێمی گرتۆتەوە كۆتایی دێت و بەپێی ڕاپۆرتە كەشناسییەكان، لە هەفتەی دووەمی ساڵی نوێوە شەپۆلی سەرما و باران بارین دەستپێدەكاتەوە.
سیروان ساڵح، شارەزای كەشناسی بۆ (خەڵك) ڕایگەیاند، گۆڕانکارییەکانی ڕەگەزەکانی کەش بۆ مانگی یەک و دووی ساڵی نوێ بۆ هەموو ناوچەکان دڵخۆشکەر و ئیجابین.
ڕاشیگەیاند، ئەگەر هەیە لە هەفتەی دووەمی مانگی یەک-ەوە کاریگەریەکانیان دەربکەون بە دابەزینی تۆپەڵە هەوای ساردی جەمسەری و هاتنی چەندین ناوچەی پەستان نزم له مانگی یەک و دوو.
وتیشی، “تا ئەمڕۆ لە بەشێکی ناوچەی گەرمیان بڕی بارانبارین لە ئاستی پێویست نییه، پشتیوان بەخودای گەورە دوای سەری ساڵ و بە زۆریش دوای هەفتەی یکەمی مانگی یەک دۆخی کەش و هەوا باش دەبێتەوە و ئەگەر هەیە شەپۆلی سەرما زۆر بێت”.
