بەڕێوەبەرایەتیی ڕەگەزنامە و باری شارستانیی سلێمانی ڕایگەیاند، لە چوارچێوەی بڕیارەکەی وەزارەتی ناوخۆی عێراق ھاووڵاتییان پێویستە تا مانگی ئاداری ٢٠٢٤ کارتی نیشتیمانییان ھەبێت.
بەڕێوەبەرایەتیی ڕەگەزنامە و باری شارستانیی سلێمانی لە ڕاگەیەندراوێکدا بڵاویکردەوە، لەکۆنفڕانسی ساڵانەی وەزیری ناوخۆی عێراق ڕایگەیاند، “بڕیاردراوە کە تا کۆتایی مانگی شوبات دەبێت هەموو هاوڵاتییان خاوەنی کارتی نیشتمانی بن و کار بەهیچ بەڵگەنامەیەکی دیکەی وەک: پێناسی باری شارستانی، ڕەگەزنامەی عێراقی ناکرێت، هاوکات بەڕێوەبەرایەتیمان پابەندە بەجێبەجێکردنی بڕیارەکە”.
ئاماژەی بەوەشکرد، لە داوی کۆتاییهاتنی پشووەکانی سەری ساڵی نوێ، چاوەڕوانی گەیشتنی ڕێنمایی پێویست دەکەین تاوەکو بتوانین بە ئاسانترین ڕێکار و شێواز بڕیارەکە جێبەجێبکەین و لە خزمەت هاوڵاتییانی شارەکەماندا بین.
