دوای هێرشە تیرۆریستیەكەی داعش بۆ سەر باشووری ڕۆژئاوای كەركوك حكومەتی هەرێمی كوردستان جەخت لە گرنگی هاریكاری و هاوئاهەنگی زیاتری نێوان هێزی پێشمەرگە و سوپای عێراق بۆ ڕووبەڕووبوونەوەی هەڕەشەی تیرۆریستانی داعش دەكاتەوە .
د.جوتیار عادل, وتەبێژی حكومەتی هەرێمی كوردستان لە ڕاگەیەنراوێكدا بڵاویكردەوە، بە داخەوە ئەمڕۆ بەهۆی هێرشێكی تیرۆریستانی داعشەوە لە باشووری ڕۆژئاوای كەركوك، ئەفسەرێك و چەندین كارمەندی پۆلیس شەهید بوون و چەند پۆلیسێكی دیكەش بریندار بوون.
ئاماژەی بۆ ئەوەشكردووە، كە بە ناوی حكومەتی هەرێمەوە پرسە و سەرەخۆشی ئاراستەی بنەماڵە و كەسوكاری قوربانییەكان دەكەن و خۆمان بە هاوخەمیان دەزانین، لە خوای گەورە داواكارین شەهیدەكان بە بەهەشتی بەرین شاد بكات و شیفای بریندارەكانیش بدات.
هاوكات بۆ جارێكی دیكە جەخت لە گرنگیی هاریكاری و هاوئاهەنگیی زیاتری نێوان هێزی پێشمەرگە و سوپای عێراق بۆ ڕووبەڕووبوونەوەی هەڕەشەی تیرۆریستانی داعش دەكەنەوە، بەتایبەتی لە ناوچە كوردستانییەكانی دەرەوەی ئیدارەی هەرێم.
