ناوەندی توێژینەوەی عێراق کە توێژینەوە لەسەر ژینگە دەکات ئەمڕۆ دووشەممە بلاوکردەوە فرۆشی ئۆتۆمبێلی کارەبایی بەراورد بەساڵی ڕابردوو ئەمساڵ بەڕێژەی ٨٤٪ زیادی کردووە و ئەمەش هەنگاوێکی ئەرێنییە بۆ رووبەڕووبوونەوەی گۆرانکارییەکانی کەشوهەوا لە عێراقدا.
لەڕاگەیەندراوێکدا ناوەندی توێژینەوەی حێراقی سەز یئاماژەی بەوەکردووە، بەگوێرەی ئەو زانیارییانەی کۆمپانیای تۆیۆتای ژاپۆنی کە تایبەتە بە پیشەسازی و دروستکردنی ئۆتۆمبێل لەعێراق بڵاوی کردووەتەوە، قەبارەی فرۆشی ئۆتۆمبێلی کارەبایی بەرێژەی ٨٤٪ بۆ ساڵی ٢٠٢٣ زیادی کردووە بەراورد بەساڵی ڕابردوو.
ئاماژەی بەوەشکردووە، هەزاران ئۆتۆمبێلی کارەباییان لە لقەکانیان لە پارێزگای بەغداد و پارێزگاکانی دیکەی عێراق و هەرێمی کردستان فرۆشتووە.
جەختی لەوەشکردووەتەوە، بەرزبوونەوەی ئەم رێژەیە لە فرۆشتنی ئۆتۆمبێلی کارەبایی هەنگاوێکی گەورە و گرنگە بۆ ڕووبەرووبوونەوەی گۆڕانکارییەکانی کەشوهەوا لەحێراق چونکە ئۆتۆمبێلە کارەباییەکان بەدۆستی ژینگە دادەنرێن و تەندروستترن و کەمترین کاریگەرییان لەسەر تەندروستی مرۆڤ و پیسکردنی ژینگە هەیە بەراورد بە جۆرەکانی دیکەی ئۆتۆمبێل کە بەسوتەمەنی کاردەکەن.
