کەشناسی هەرێمی کوردستان پێشبینی دەکات بەفری پچڕ پچڕ لە ناوچە شاخاوییەکان ببارێت و پاشان تەم دروست بێت.
بەشی پێشبینی لە وەزارەتی گواستنەوە و گەیاندنی هەرێمی کوردستان ڕایگەیاند، ئەمڕۆ دووشەممە، ئاسمان نیمچە هەور دەبێت لە ناوچە شاخاوییەکان هەوری تەواو دەبێت بەتایبەتی لە ناوچە سنووریەکانی ڕۆژهەڵاتی هەرێم، لەگەل نمە باران و بەفری پچرپچر.
ڕوونیشیکردەوە کە لە کاتەکانی ئێوارە ئاسمان بەرەو ساماڵ و پەڵە هەور دەگۆڕێت و کەشەکە جێگیر دەبێتەوە، شەویش پێشبینی دروست بوونی تەم دەکرێت کە تاوەکو بەرەبەیانی سێشەمە بەردەوام دەبێت.
سەبارەت بە سبەینێ سێشەممەش ڕایگەیاند، ئاسمان لە نێوان نیمچە هەور و ساماڵ دەبێت لەکاتەکانی شەو ئەگەری دروست بوونی تەم هەیەدا و مەوداى بینین لە نێوان 8-10 کیلۆمەتر دەبێت.
