پۆلیسی ڕاپەڕین ڕایگەیاند لێکۆڵینەوەیان دەربارەی ڕووداوەکەی ئەمڕۆی چوارقوڕنە دەستپێکردووە کە کوژرانی دوو هاووڵاتی لێکەوتەوە.
بەڕێوەبەرایەتی پۆلیسی ڕاپەڕین ڕایگەیاند، ئەمڕۆ هەینی هێزەکانیان لە بنکەی پۆلیسی بیتوێن لە ناحیەی چوارقوڕنە ئاگادار کرانەوە لە ڕووداوێکی تەقە کردن کە بەهۆی کێشەی کۆمەڵایەتیەوە لە نێوان دوو لایەنەوە ڕوویداوە.
ڕوونیشیکردەوە لە ڕووداوەکەدا کەسێك دەست بەجێ گیانی لە دەست داوە و کەسێکی تریش برینداربووە و دوای گەیاندنی بۆ نەخۆشخانە بەهۆی سەختی برینەکەی گیانی لەدەستدا.
لە ڕاگەیەندراوەکەی پۆلیسدا هاتووە کە کوژراوەکان هەریەکەیان لە لایەنێکی ڕووداوەکە بوون و بەمەبەستی زانینی هۆکاری ڕاستەقینەی ڕووداوەکە لێکۆڵینەوە بەردەوامە.
